Díli, 22 Juñu 2026 (GMT News) – Sekretáriu-Jerál FRETILIN, Mari Alkatiri, hatudu ninia tristeza boot ba falesimentu Francisco Guterres Lú-Olo, Prezidente FRETILIN no antigu Prezidente Repúblika, ne’ebé nia konsidera hanesan ema “moos liu no inkorruptível” ne’ebé nia konhese durante ninia moris.
Iha entrevista telefónika husi Kuala Lumpur, ne’ebé nia akompaña momentu ikus husi Lú-Olo, Alkatiri dehan katak lider istoriku ne’e dedika ninia moris tomak ba nasaun no povu Timor-Leste. Nia mós salienta katak kontribuisaun Lú-Olo ba luta libertasaun nasionál no konstrusaun Estadu tenke hetan rekoñesimentu ho dignidade tomak.
Tuir Alkatiri, Lú-Olo luta durante tinan 24 iha ai-laran, no serve nasaun nu’udar Prezidente Asembleia Konstituinte, Prezidente Parlamentu Nasionál no Prezidente Repúblika.
Nia husu Estadu atu garante transporta korpu Lú-Olo fila mai Timor-Leste ho honra no dignidade ne’ebé merese.
